જાપાનમાં લગભગ દરરોજ ભૂકંપ આવે છે. વિશ્વમાં સૌથી વધુ ભૂકંપ જાપાનમાં આવે છે. દરમિયાન, બાહ્ય ટાપુઓ નજીક આવેલા ભૂકંપ બાદ જાપાને સુનામીની ચેતવણી જારી કરી છે. ભૂકંપના ભયને કારણે આ ચેતવણી જારી કરવામાં આવી છે. કારણ કે જાપાને ઘણી વખત સુનામીના કારણે ઘણી તબાહીનો સામનો કરવો પડ્યો છે. નવીનતમ ભૂકંપની તીવ્રતા 6.6 હોવાનું કહેવાય છે. આ પછી જાપાની હવામાન એજન્સીએ પણ સુનામીને લઈને ચેતવણી જાહેર કરી છે. જાપાનના સમય અનુસાર 5 ઓક્ટોબરે સવારે 11 વાગ્યે ભૂકંપ આવ્યો હતો.
એક મીટર સુધીના મોજા ઉછળવાની શક્યતા છે
મળતી માહિતી મુજબ, જાપાને તેના બાહ્ય ટાપુઓ નજીક આવેલા ભૂકંપ બાદ સુનામીની ચેતવણી જારી કરી છે. અધિકારીઓએ સુનામીના કારણે દરિયામાં એક મીટર ઉંચા મોજા ઉછળવાની શક્યતા વ્યક્ત કરી છે.
NHK ટીવી અનુસાર, એડવાઈઝરીમાં ઈઝુ ચેઈનના ટાપુઓ પરના લોકોને દરિયાકિનારા અને નદીમુખોથી દૂર રહેવા જણાવ્યું હતું. આ શ્રેણી હોન્શુના મુખ્ય જાપાની ટાપુની મધ્યથી દક્ષિણ સુધી વિસ્તરેલી છે. સુનામીની ચેતવણી વચ્ચે દરિયાકાંઠાના વિસ્તારોના લોકોને સાવચેતીના ભાગરૂપે ઊંચા સ્થળોએ ખસી જવાની સલાહ આપવામાં આવી છે.
જાપાન ભૂકંપની દ્રષ્ટિએ સૌથી સંવેદનશીલ વિસ્તાર છે
જાપાન ભૂકંપની દ્રષ્ટિએ સૌથી સંવેદનશીલ સ્થળોમાંનું એક છે. 2011 માં, પ્રચંડ ભૂકંપના કારણે સુનામીએ ઉત્તર જાપાનના મોટા ભાગોને તબાહ કરી નાખ્યા હતા અને ફુકુશિમા પરમાણુ પ્લાન્ટને પણ અસર થઈ હતી.
