તાજેતરમાં સાઉથ સિનેમાના સુપરસ્ટાર વિજય દેવરાકોંડાની ફિલ્મ લાઈગર સિનેમાઘરોમાં રિલીઝ થઈ છે. ફેમસ ફિલ્મમેકર કરણ જોહરના ધર્મા પ્રોડક્શનના બેનર હેઠળ બનેલી લાઈગરથી લોકોને ઘણી અપેક્ષા હતી, પરંતુ આ ફિલ્મ પબ્લિક ડિમાન્ડ પર હિટ સાબિત ન થઈ. જેના કારણે વિજય દેવરાકોંડા ઘણો નારાજ છે. આ દરમિયાન ફિલ્મની નિષ્ફળતાને જોતા વિજયનું રિએક્શન સામે આવ્યું છે.
ઉલ્લેખનીય છે કે ફિલ્મ લાઈગરનું ટ્રેલર જ્યારે રિલીઝ થયું હતું, ત્યારે એવું લાગ્યું કે વિજય દેવરાકોંડાની આ ફિલ્મ બોક્સ ઓફિસ પર કમાણીના બધા રેકોર્ડ તોડી નાખશે, પરંતુ હકીકતમાં આવું ન થયું અને પરિણામ એ આવ્યું કે ફિલ્મ લાઈગરને સિનેમાઘરોમાં જોવા માટે દર્શકો પહોંચી નથી રહ્યા, જેના કારણે ફિલ્મના શો કેન્સલ કરવામાં આવી રહ્યા છે. આ દરમિયાન ટ્રેક ટોલિવૂડના સમાચાર પ્રમાણે, વિજય દેવરાકોંડા હાલમાં પોતાની ફિલ્મ લાઈગરને જોવા માટે હૈદરાબાદના સુદર્શન થિયેટરમાં પહોંચ્યો હતો, પરંતુ જ્યારે વિજયે જોયું તો આ સિનેમાઘરમાં લોકોની સંખ્યા ઘણી ઓછી હતી આ જોઈ તે ઘણો નિરાશ થઈ ગયો છે. ફિલ્મનું આવી હાલત જોઈ વિજય દેવરાકોંડાની આંખોમાં આસુ આવી ગયા.
25 ઓગસ્ટના રોજ સિનેમાઘરોમાં રિલીઝ થયેલી આ ફિલ્મ લાઈગર બોક્સ ઓફિસ પર કઈ ખાસ કમાલ નથી કરી શકી. ફિલ્મે ઓપનિંગ ડે પર હિન્દી વર્ઝનમાં 5 કરોડથી વધારે કમાણી કરી હતી પરંતુ તેના પછી કમાણીના આ ગ્રાફમાં સતત ઘટાડો આવી રહ્યો છે, જેના કારણે ફિલ્મે સોમવારે બોક્સ ઓફિસ પર લગભગ દોઢ કરોડનો બિઝનેસ કર્યો. આવી સ્થિતિમાં એ કહેવું ખોટું નથી કે વિજય દેવરાકોંડાની લાઈગરને લોકોએ નકારી દીધી છે. આ ફિલ્મમાં વિજય સિવાય એક્ટ્રેસ રામ્યા કૃષ્ણન, અનન્યા પાંડે અને રોનિત રોય મુખ્ય રોલમાં છે.
