બોલિવૂડના ભાઈજાન એટલે કે સલમાન ખાન તેની આગામી ફિલ્મ ‘ટાઈગર 3’ને લઈને સતત ચર્ચામાં છે. સલમાન ખાન જ્યારથી તેની બહુપ્રતિક્ષિત ફિલ્મ ‘ટાઈગર 3’ નું ટીઝર રિલીઝ થયું ત્યારથી તે ચાહકોમાં ચર્ચામાં છે. દરમિયાન, ફિલ્મનું ટ્રેલર રિલીઝ થાય તે પહેલા, મેકર્સે ફિલ્મમાંથી સલમાન ખાનનો ઇન્ટેન્સ લુક રિલીઝ કર્યો છે, જે સોશિયલ મીડિયા પર ઝડપથી વાયરલ થઈ રહ્યો છે. આ જોઈને ચાહકો હવે કેટરીનાના લુકની પણ ડિમાન્ડ કરી રહ્યા છે.
સલમાન ખાન બહુપ્રતીક્ષિત ‘ટાઈગર 3’ લાવવા માટે તૈયાર છે, અને ટ્રેલર રિલીઝ પહેલા, નિર્માતાઓ, યશ રાજ ફિલ્મ્સે, એક નવી તસવીર રિલીઝ કરી છે જેમાં સલમાન ખાનને આગામી ફિલ્મમાંથી RAW એજન્ટ ટાઈગર તરીકે દર્શાવવામાં આવ્યો છે. સલમાનનો આ લૂક ઝડપથી વાયરલ થઈ રહ્યો છે અને ચાહકો પણ ભાઈજાનના નવા લૂક પર ઘણો પ્રેમ વરસાવી રહ્યા છે. આ સાથે લોકો કેટરિનાના લુકની પણ જોરદાર ડિમાન્ડમાં છે.
આ નવા લુકમાં સલમાન ખાન બંદૂક પકડીને દુશ્મનના વિસ્તારમાં પ્રવેશતો જોવા મળી રહ્યો છે. ઇન્સ્ટાગ્રામ પર તસવીર શેર કરતાં નિર્માતાઓએ લખ્યું, ‘કાઉન્ટડાઉન શરૂ!
ટાઇગર 3ના ટ્રેલરને 10 દિવસ બાકી છે – 16મી ઓક્ટોબરે રિલીઝ થશે. ટાઇગર 3 આ દિવાળીએ સિનેમાઘરોમાં આવી રહી છે. તે હિન્દી, તમિલ અને તેલુગુમાં રિલીઝ થઈ રહી છે.
તમને જણાવી દઈએ કે ટાઈગર 3 ના ટ્રેલર વિશેની માહિતી સેન્ટ્રલ બોર્ડ ઓફ ફિલ્મ સર્ટિફિકેશનની ઓફિશિયલ વેબસાઈટ પર શેર કરવામાં આવી છે. વેબસાઈટ પર શેર કરેલી માહિતી મુજબ, ટાઈગર 3નું સત્તાવાર ટ્રેલર U/A (યુનિવર્સલ એડલ્ટ્સ) પ્રમાણિત છે અને ટ્રેલરનો રન ટાઈમ 2.51 મિનિટનો છે.
ફિલ્મ ‘ટાઈગર 3’ વિશે વાત કરીએ તો, સલમાન તેની પાછલી ફિલ્મ ‘કિસી કા ભાઈ કિસી કી જાન’ પછી ફરી એકવાર દર્શકોનું મનોરંજન કરવા માટે હાજર છે. અભિનેતાની સતત ફ્લોપ ફિલ્મો બાદ હવે જોવાનું એ રહે છે કે આ ફિલ્મ સિનેમાઘરોમાં કેવું પ્રદર્શન કરશે. જોકે, ભાઈજાનના ચાહકો તેની ફિલ્મની આતુરતાથી રાહ જોઈ રહ્યા છે.
