જાતિ ગણતરીના આંકડા સામે આવ્યા બાદ એક તરફ બિહારમાં રાજકારણ ગરમાયું છે, તો બીજી તરફ રાષ્ટ્રીય સ્વયંસેવકે જાતિ ભેદભાવને ખતમ કરવાની હાકલ કરી છે. આરએસએસના મહાસચિવ દત્તાત્રેય હોસાબલેએ ગુરુવારે કહ્યું હતું કે કોઈપણ વ્યક્તિને ગમે ત્યાં મંદિરમાં પ્રવેશ કરવાનો અધિકાર છે. તેમણે RSS કાર્યકર્તાઓને જાતિ ભેદભાવને દૂર કરવા માટે કામ કરવાની અપીલ કરી અને દેશવાસીઓમાં એકતાની લાગણી પેદા કરવાની જરૂરિયાત પર ભાર મૂક્યો.
સ્થાનિક આરએસએસ કાર્યકર્તાઓની સભાને સંબોધતા દત્તાત્રેય હોસાબલેએ કહ્યું કે જ્યારે એશિયન ગેમ્સમાં ભારતીય ખેલાડીઓએ સારું પ્રદર્શન કર્યું ત્યારે કોઈએ તેમની જાતિ કે ધર્મ વિશે પૂછ્યું નહીં. કોરોના રોગચાળાને કારણે લોકડાઉન દરમિયાન લોકોએ જાતિ કે ધર્મ પૂછ્યા વિના પરપ્રાંતિય મજૂરોની મદદ કરી. એ જ રીતે, લોકોએ ચંદ્રયાન-3 મિશનની સફળતા પાછળ વૈજ્ઞાનિકોની જાતિ અને ધર્મ વિશે પૂછ્યું ન હતું. આ દર્શાવે છે કે આપણો દેશ સંકટ હોય કે સફળતામાં એકજૂટ રહે છે.
)
હોસાબલેએ કહ્યું – માત્ર કટોકટી કે સફળતા દરમિયાન જ નહીં, દરેક સમયે આપણા બધામાં એકતા અને સહકારની લાગણી હોવી જોઈએ. ભારત વિશ્વને (ભૂતકાળમાં) કંઈક આપી શક્યું કારણ કે આપણે આપણી એકતા જાળવી શક્યા. કોઈનું નામ લીધા વિના તેમણે કહ્યું કે કેટલાક લોકો સનાતન ધર્મને નષ્ટ કરવાની ધમકી આપી રહ્યા છે. આ લોકો આરએસએસ પર આરોપ લગાવી રહ્યા છે કે તેઓ જ્યારે હિન્દુઓની વાત કરે છે ત્યારે તેઓ સાંપ્રદાયિક છે. સનાતન ધર્મ ધાર્મિક વિધિઓ અને ઉપાસનાની પદ્ધતિઓ વિશે નથી, તે મનુષ્યમાં ભગવાનને જોવા, સારા આચરણ અને સમાજના કલ્યાણ વિશે છે.
હોસાબલેએ કહ્યું- જે રીતે ભારત અને તેના લોકોએ યહૂદીઓ, પારસીઓ, દલાઈ લામા અને તેમના અનુયાયીઓને આશ્રય આપ્યો હતો. તે ‘વસુધૈવ કુટુંબકમ’ ના સિદ્ધાંતને દર્શાવે છે. કોરોનાના સમયમાં, અમે વિશ્વ માટે રસી બનાવી. અમે શ્રીલંકાની આર્થિક કટોકટી દરમિયાન મદદ કરી હતી. આ દર્શાવે છે કે ભારતને વસુધૈવ કુટુંબકમ વિશે વાત કરવાનો નૈતિક અધિકાર છે. હિન્દુ સમાજ અને દેશવાસીઓ ભારતને ‘વિશ્વગુરુ’ બનાવવાની શક્તિ ધરાવે છે. એક દિવસ ભારત ફરી દુનિયાને રસ્તો બતાવશે.
