ભારતે પહેલા બેટિંગ કરતા 20 ઓરમાં 6 વિકેટ ગુમાવીને 190 રન બનાવ્યા હતા. જેના જવાબમાં 191 રનના ટાર્ગેટનો પીછો કરતા ઉતરેલી વેસ્ટ ઇન્ડીઝની ટીમ 20 ઓવરમાં 8 વિકેટના નુકસાને 122 રન જ બનાવી શકી. ભારતના કેપ્ટન રોહિત શર્માએ ધમાકેદાર વાપસી કરી છે. વેસ્ટઇન્ડીઝ સામે શુક્રવારે રમાયેલી પહેલી ટી-20 મેચમાં રોહિત શર્માએ અડધી સદી ફટકારી અને વિરોધી ટીમે ધૂળ ચડાવી દીધી. રોહિતે પોતાના નામે મોટો રેકોર્ડ પણ નોંધાવ્યો અને ટી-20 ઇન્ટરનેશનલમાં સૌથી વધુ રન બનાવનારા પ્લેયર બની ગયા.
વેસ્ટ ઇન્ડીઝ સામે રમાયેલી આ સીરીઝની પહેલી મેચમાં રોહિત શર્માએ 44 બોલમાં 64 રનની ઇનિંગ રમી. આ ઇનિંગમાં રોહિત શર્માએ 7 ચોગ્ગા લગાવ્યા અને 2 છગ્ગા પણ લગાવ્યા. કેપ્ટન રોહિત શર્માના સ્ટ્રાઇક રેટ આ દરમિયાન 145નો રહ્યો.
ટી-20 ક્રિકેટમાં સૌથી વધુ રન
- રોહિત શર્મા – 129 મેચ, 3443 રન, 32.38 સરેરાશ
- માર્ટિન ગુપ્ટિલ – 116 મેચ, 3399 રન, 32.37 સરેરાશ
- વિરાટ કોહલી – 99 મેચ, 3308 રન, 50.12 સરેરાશ