રાજ્યમાં ડાબેરી સરકારના કથિત ગેરવહીવટના વિરોધમાં ભાજપના નેતૃત્વ હેઠળના એનડીએ સોમવારે કેરળ સચિવાલયના ચારમાંથી ત્રણ ગેટનો ઘેરાવ કર્યો હતો.
સવારે લગભગ 6 વાગ્યાથી સેંકડો ભાજપના સમર્થકો સચિવાલયના ત્રણ દરવાજા બહાર એકઠા થયા હતા. પ્રદર્શનને જોતા મોટી સંખ્યામાં પોલીસ હાજર હતી. આ ઉપરાંત ઓફિસ જનારાઓ અને શાળાના બાળકોની સરળ અવરજવર સુનિશ્ચિત કરવા માટે ટ્રાફિકને ડાયવર્ટ કરવામાં આવ્યો હતો.
એવું કહેવામાં આવી રહ્યું છે કે ભાજપ અધ્યક્ષ જેપી નડ્ડા પણ પ્રદર્શનમાં ભાગ લેવા પહોંચશે. તે જ સમયે, તિરુવનંતપુરમમાં સચિવાલયના મુખ્યમંત્રી કોન્ફરન્સ હોલમાં કેરળના સીએમ પિનરાઈ વિજયનની અધ્યક્ષતામાં સર્વપક્ષીય બેઠક શરૂ થઈ છે.
તમને જણાવી દઈએ કે, રાજ્યમાં રવિવારે એક ધાર્મિક સભામાં થયેલા વિસ્ફોટના પગલે સર્વપક્ષીય બેઠક બોલાવવામાં આવી છે, જેમાં ત્રણ લોકોના મોત થયા છે અને લગભગ 50 લોકો ઘાયલ થયા છે. સચિવાલય પરિસરમાં આવેલા મુખ્યમંત્રી કોન્ફરન્સ રૂમમાં સવારે 10 વાગ્યે સર્વપક્ષીય બેઠક શરૂ થઈ હતી.
