સમગ્ર રાજ્યમાં નવરાત્રીનો પ્રારંભ થઈ ચુક્યો છે. નવરાત્રી પહેલા અંબાજી મંદિરમાં ગરબાને લઈને કેટલાક નિયમો બનાવવામાં આવ્યા છે. મંદિરમાં સ્ત્રી અને પુરુષ એક સાથે ગરબા રમી શકશે નહિ. ગરબા રમવા માટે પુરૂષ અને મહિલા ખેલાડીઓ માટે અલગ-અલગ વ્યવસ્થા કરવામાં આવી છે. ચાચરચોકમાં માત્ર મહિલાઓ જ ગરબા રમી શકશે જ્યારે પુરુષોએ બ્રાસ ગેટની બહાર ગરબા રમવાના રહેશે. મહિલાઓની ગરિમા જાળવવા માટે આ પ્રકારની અલગ વ્યવસ્થા કરવામાં આવી છે.
જો તમારે ગરબા રમવા કે જોવા હોય તો તમારે તમારું આઈડી કાર્ડ બતાવવાનું રહેશે.
મંદિર સમિતિએ લીધેલા નિર્ણય મુજબ ગરબા રમવા કે જોવા આવતા લોકોએ આઈડી કાર્ડ બતાવવું ફરજિયાત છે. ચાચરચોકમાં પ્રવેશવા માટે તમારે આધાર કાર્ડ, લાયસન્સ સહિતના દસ્તાવેજો બતાવવાના રહેશે અને તે પછી જ તમને પ્રવેશ મળશે.
આ નિર્ણય જિલ્લા કલેક્ટર અને જિલ્લા પોલીસ વડા દ્વારા લેવામાં આવ્યો છે.
VHPના કાર્યકરો તપાસ કરશે
ઉલ્લેખનીય છે કે સમગ્ર રાજ્યમાં નવરાત્રીની ધામધૂમથી ઉજવણી કરવામાં આવે છે. રાજ્યભરમાં વિવિધ સ્થળોએ ગરબાનું આયોજન કરવામાં આવી રહ્યું છે. જો કે, ગરબામાં ‘પાખંડીઓ’ આવવાના ભય વચ્ચે વિશ્વ હિન્દુ પરિષદ અને બજરંગ દળના કાર્યકરો અનેક જગ્યાએ તપાસ કરશે તેવું પણ નક્કી કરવામાં આવ્યું છે. તિલક લગાવ્યા બાદ જ ખેલાડીઓને પ્રવેશ આપવામાં આવશે તેવો નિર્ણય પણ લેવામાં આવ્યો છે.
ચાચર ચોકમાં પ્રવેશ મેળવવા માટે, ઉપસ્થિતોએ ઓળખના પુરાવા તરીકે તેમનું આધાર કાર્ડ રજૂ કરવાનું રહેશે. ગેટ નં. સેક્શન 7 (VIP)માં માત્ર મહિલાઓ અને બાળકોને જ પ્રવેશ આપવામાં આવશે, જ્યારે પુરૂષો મુખ્ય દ્વારથી ઉત્સવમાં પ્રવેશ કરશે. નવી વ્યવસ્થા 16 ઓક્ટોબર એટલે કે આજથી અમલમાં આવી રહી છે, જેમાં મંદિર ટ્રસ્ટ નવરાત્રિની ઉજવણીના ભાગરૂપે રવિવારે મંદિર પરિસરમાં ગરબાનું આયોજન કરશે.
