બોલિવૂડ એક્ટર જોન અબ્રાહમ એક પછી એક પોતાની ફિલ્મો પરથી પડદો ઉઠાવી રહ્યો છે. આજે, સ્વતંત્રતા દિવસના દિવસે, અભિનેતાએ તેની બીજી ફિલ્મની જાહેરાત કરી છે. એટલું જ નહીં તેણે ફિલ્મની રિલીઝ ડેટનો પણ ખુલાસો કર્યો છે. ‘પઠાણ’ અને ‘તેહરાન’ પછી હવે ‘તારિક’ પણ જોન અબ્રાહમની આગામી ફિલ્મોની યાદીમાં જોડાઈ ગઈ છે. થોડા દિવસો પહેલા જ અભિનેતાએ તેની ફિલ્મ તેહરાનનો ફર્સ્ટ લૂક તેના ચાહકો સાથે શેર કર્યો હતો.
અભિનેતાએ તેની આગામી ફિલ્મ ‘તારિક’નો પણ ખુલાસો કર્યો છે. જ્હોન અબ્રાહમે તેના ટ્વિટર હેન્ડલ પરથી એક પોસ્ટર શેર કર્યું અને લખ્યું, ‘આઝાદી કી તારિક, 15 ઓગસ્ટ, 2023 ‘તારિક’ ‘બાટલા હાઉસ’ અને ‘તેહરાન’ પછી બેક માય કેક ફિલ્મ્સ સાથે અમારું આગામી સર્જનાત્મક સહયોગ છે. આ ટ્વીટમાં સારી વાર્તાઓ કહેવાની સ્વતંત્રતા તેમજ હેશટેગ ‘આઝાદી કા અમૃત મહોત્સવ’ની ઉજવણી કરવાનો સમય છે.
આ ફિલ્મની વાર્તા એક સત્ય ઘટના પર આધારિત છે. જે 15 ઓગસ્ટ 2023ના રોજ રિલીઝ થશે. જ્હોન અબ્રાહમ છેલ્લે 29 જુલાઈએ રિલીઝ થયેલી ફિલ્મ ‘એક વિલન રિટર્ન્સ’માં જોવા મળ્યો હતો. જોકે, આ ફિલ્મ બોક્સ ઓફિસ પર પોતાનો જાદુ ચલાવી શકી નથી. આ ફિલ્મમાં જ્હોન અબ્રાહમની સાથે અભિનેતા અર્જુન કપૂર અને અભિનેત્રી દિશા પટણી પણ જોવા મળ્યા હતા.