કેન્દ્ર સરકાર દ્વારા ક્રૂડ ઓઈલ પર વિન્ડફોલ ટેક્સ વધારીને 12,100 રૂપિયા પ્રતિ ટન કરવામાં આવ્યો છે. તે જ સમયે, ડીઝલ પર નિકાસ ડ્યુટી ઘટાડીને 5 રૂપિયા પ્રતિ લિટર કરવામાં આવી છે, જે પહેલા 5.50 રૂપિયા પ્રતિ લિટર હતી. આ સિવાય જેટ ફ્યુઅલ પર નિકાસ ડ્યૂટી ઘટાડીને 2.5 રૂપિયા પ્રતિ લિટર કરી દેવામાં આવી છે, જે અગાઉ 3.5 રૂપિયા પ્રતિ લિટર હતી. પેટ્રોલ પર નિકાસ ડ્યુટી શૂન્ય રહે છે.
નવા દરો 30મી સપ્ટેમ્બરથી લાગુ થશે
સરકારે જાહેર કરેલા વિન્ડફોલ ટેક્સના નવા દર 30 સપ્ટેમ્બરથી અમલમાં આવ્યા છે. સરકાર દ્વારા દર 15 દિવસે વિન્ડફોલ ટેવિક્સની સમીક્ષા કરવામાં આવે છે. વિન્ડફોલ ટેક્સ પ્રવર્તમાન બજાર કિંમતોના આધારે કરવામાં આવે છે.
અગાઉ 15 સપ્ટેમ્બરે વિન્ડફોલ ટેક્સના નવા દરોની જાહેરાત કરવામાં આવી હતી. તે સમયે સ્થાનિક સ્તરે ઉત્પાદિત ક્રૂડ ઓઈલ પર ટેક્સ 6700 રૂપિયા પ્રતિ ટનથી વધારીને 10,000 રૂપિયા પ્રતિ ટન કરવામાં આવ્યો હતો. ડીઝલ પર નિકાસ જકાત 6 રૂપિયા પ્રતિ લીટરથી ઘટાડીને 5.50 રૂપિયા પ્રતિ લીટર કરવામાં આવી છે. આ સિવાય ATF પર નિકાસ ડ્યૂટી 6 રૂપિયાથી ઘટાડીને 5.50 રૂપિયા પ્રતિ ટન કરવામાં આવી હતી.
પ્રથમ વખત વિન્ડફોલ ટેક્સ ક્યારે લાદવામાં આવ્યો
ગયા વર્ષે પહેલી જુલાઈએ સરકાર દ્વારા વિન્ડફોલ ટેક્સ લાદવામાં આવ્યો હતો. તે સમયે નિકાસ કરાયેલા પેટ્રોલ અને એટીએફ પર 6 રૂપિયા પ્રતિ લીટર અને ડીઝલ પર 13 રૂપિયા પ્રતિ લીટર નિકાસ ડ્યુટી લાદવામાં આવી હતી.
કાચા તેલની કિંમત બેરલ દીઠ $94 આસપાસ છે. ઓપેક દેશો દ્વારા ક્રૂડ ઓઈલના ઉત્પાદનમાં સતત ઘટાડો થવાને કારણે કિંમતોમાં વધારો જોવા મળી રહ્યો છે.
