ઓસ્ટ્રેલિયાના લોકપ્રિય પ્રવાસી નગર ડેલેસફોર્ડમાં ભીડભાડવાળા વિસ્તારમાં કાર અથડાતા બે બાળકો સહિત પાંચ લોકોના મોત થયા હતા. અધિકારીઓએ સોમવારે આ જાણકારી આપી. તેમણે જણાવ્યું કે આ દુર્ઘટના ત્યારે થઈ જ્યારે ડેલેસફોર્ડમાં એક પબની સામે લોકોની મોટી ભીડ એકઠી થઈ ગઈ હતી. આ દરમિયાન બેકાબૂ કારે ત્યાં હાજર લોકોને ટક્કર મારી હતી.
આ અકસ્માતમાં પાંચ લોકોના મોત થયા હતા
વિક્ટોરિયા રાજ્ય પોલીસે જણાવ્યું હતું કે મેલબોર્નથી લગભગ 110 કિલોમીટર ઉત્તર-પશ્ચિમમાં ડેલેસફોર્ડમાં રવિવારે સાંજે દુર્ઘટનાના સ્થળે ચાર લોકોના મોત થયા હતા. આ અકસ્માતમાં ઘાયલ એક છોકરીને એરલિફ્ટ કરીને હોસ્પિટલમાં ખસેડવામાં આવી હતી, જ્યાં તેણીનું મૃત્યુ થયું હતું. મીડિયાને આ માહિતી આપતા પોલીસ ચીફ કમિશનર શેન પેટને કહ્યું કે એક SUV પબના આગળના લૉનમાં આવી અને ત્યાં હાજર લોકોને ટક્કર મારી.
કાર ચાલકના શરીરમાંથી દારૂ મળ્યો નથી
પોલીસે જણાવ્યું કે આ ઘટનામાં માર્યા ગયેલા તમામ લોકો સ્થાનિક રહેવાસી ન હતા. તેમણે કહ્યું કે આ દુર્ઘટનામાં જીવ ગુમાવનારાઓની હજુ સુધી ઓળખ થઈ નથી. પોલીસે વધુમાં જણાવ્યું હતું કે આ દુર્ઘટનાના કારણ અંગે વધુ માહિતી મળી નથી. પોલીસે કાર ચાલકના શ્વાસની ચકાસણી કરી હોવા છતાં કાર ચાલકના શરીરમાં દારૂનો જથ્થો મળ્યો ન હતો. તેમણે કહ્યું કે આ અકસ્માત બાદ 66 વર્ષના ડ્રાઈવરને હોસ્પિટલમાં લઈ જવામાં આવ્યો છે.
