સ્પોર્ટ્સ જગત માટે ખરાબ સમાચાર છે.ઓસ્ટ્રેલિયન પૂર્વ ક્રિકેટર એન્ડ્ર્યુ સાયમન્ડ્સનું નિધન થયું છે.મળતી માહિતી અનુસાર, એન્ડ્ર્યુ સાયમન્ડ્સનું શનિવારે રાત્રે ટાઉન્સવિલેમાં એક કાર અકસ્માતમાં મોત થયું હતું. તેને બચાવવાના પ્રયત્નો કરવામાં આવ્યા, પરંતુ તમામ પ્રયાસો નિષ્ફળ ગયા. પોલીસે જણાવ્યું હતું કે અકસ્માતમાં તેને ગંભીર ઈજાઓ થઈ હતી.
એન્ડ્રુ સાયમન્ડ્સના નિધન બાદ તેના ચાહકોમાં શોકનું મોજુ ફરી વળ્યું છે. તમને જણાવી દઈએ કે તાજેતરમાં ઓસ્ટ્રેલિયાના પ્રખ્યાત ભૂતપૂર્વ ખેલાડી શેન વોર્નનું પણ નિધન થયું હતું.આ અકસ્માત રાત્રે 10.30 વાગ્યાની આસપાસ થયો હતો.
એજન્સી અનુસાર, ક્વીન્સલેન્ડ પોલીસે જણાવ્યું કે, શહેરથી લગભગ 50 કિમી પશ્ચિમમાં હર્વે રેન્જમાં રાત્રે લગભગ 10:30 વાગ્યે એક અકસ્માત થયો હતો. અકસ્માતની માહિતી મળતા જ પોલીસ તાત્કાલિક ઘટના સ્થળે પહોંચી ગઈ હતી. પ્રાથમિક તપાસમાં એવું સામે આવ્યું છે કે ઝડપભેર કાર રોડ પર પલટી ગઈ હતી. એન્ડ્રુ સાયમન્ડ્સ કારમાં હતા.
એડમ ગિલક્રિસ્ટે દુ:ખ વ્યક્ત કર્યું
46 વર્ષીય એન્ડ્ર્યુ સાયમન્ડ્સના મૃત્યુ બાદ તેના ચાહકો નિરાશ થયા છે. તે જ સમયે, ઓસ્ટ્રેલિયાના ભૂતપૂર્વ વિકેટકીપર એડમ ગિલક્રિસ્ટે એક ટ્વિટ દ્વારા પોતાનું દુઃખ શેર કર્યું છે. તેણે કહ્યું કે તે ખૂબ જ પીડાદાયક છે.
ક્રિકેટ જગતમાં આ રેકોર્ડ બનાવ્યો હતો.
તમને જણાવી દઈએ કે એન્ડ્રુએ ઓસ્ટ્રેલિયા માટે 26 ટેસ્ટ, 198 વનડે અને 12 ટી-20 રમી હતી. આ સાથે 2003 અને 2007માં ઓસ્ટ્રેલિયાની વર્લ્ડ કપ જીતમાં તેની મહત્વની ભૂમિકા હતી.
