ઈન્ડિગોની ફ્લાઈટમાં ફરી એકવાર સનસનીખેજ ઘટના સામે આવી છે. ગુરુવારે ગુવાહાટીથી અગરતલા જતી ફ્લાઈટમાં એક મુસાફરે ઈમરજન્સી ડોર મિડ એર ખોલવાનો પ્રયાસ કર્યો હતો. જ્યારે રોકાયા ત્યારે પેસેન્જરે ક્રૂ મેમ્બર્સ સાથે પણ ખરાબ વર્તન કર્યું હતું. હાલ આરોપી યુવકની ધરપકડ કરવામાં આવી છે. આ માહિતી પોલીસ દ્વારા આપવામાં આવી છે.
ત્રિપુરા પોલીસના પ્રવક્તા જ્યોતિસ્માન દાસ ચૌધરીએ જણાવ્યું કે બિશ્વજીત દેબનાથ ગુવાહાટી-અગરતલા ઈન્ડિગો ફ્લાઈટમાં ઉડાન ભરી રહ્યા હતા. આ દરમિયાન તેણે પ્લેનનો ઈમરજન્સી ગેટ ખોલવાનો પ્રયાસ કર્યો. પરંતુ તેના સહ-યાત્રીઓએ તેને પાછો ખેંચી લીધો. જ્યારે ક્રૂ મેમ્બર્સે તેને પોતાની સીટ પર બેસવાનું કહ્યું ત્યારે દેબનાથે તેમની સાથે ગેરવર્તન કર્યું. વિમાન અગરતલાના મહારાજા બીર બિક્રમ એરપોર્ટ પર ઉતર્યા બાદ એરપોર્ટ પોલીસે દેબનાથની ધરપકડ કરી હતી.