ગુજરાતનું જામનગર એક પ્રખ્યાત રોમેન્ટિક સ્થળ માનવામાં આવે છે, જે યુવાનોમાં ખૂબ જ લોકપ્રિય છે. અહીં એવી ઘણી જગ્યાઓ છે જ્યાં તમે રોમેન્ટિક વેકેશન ગાળી શકો છો. જામનગરનાં અઢળક સ્થળોની એક વખત મુલાકાત લેવા જેવી છે. શહેરવાસીઓ માટે રજામાં ફરવા માટે અનેક પાર્ક પણ આવેલા છે. જો તમે પણ ગુજરાતમાં જ ફરવા જવાનો પ્લાન બનાવી રહ્યા હોવ, તો જામનગર ફરવા જવાનો પ્લાન બનાવી શકો છો. ચાલો જાણીએ કે જામનગરમાં ફરવા માટે શું છે અને અહીં કયાં ટૂરિસ્ટ પ્લેસ આવેલા છે?
ગત દિવસોમાં જામનગર મુકેશ અંબાણી અને નીતા અંબાણીના નાના પુત્ર અનંત અંબાણીના પ્રી-વેડિંગ સેલિબ્રેશનને લઈને ચર્ચામાં હતું. જામનગરને ‘ધ લેન્ડ ઓફ લીન્જેડ્સ’ પણ કહેવામાં આવે છે. આ એક સમુદ્ર વિસ્તાર છે, જે રોમેન્ટિક વેકેશન માટે યોગ્ય છે.
જો તમે એપ્રિલમાં જામનગર જવાના હો તો અહીંના દરિયાકાંઠાના વિસ્તારમાં આવેલા મરીન નેશનલ પાર્કની અવશ્ય મુલાકાત લો. તમને જણાવી દઈએ કે આ દેશનો પહેલો મરીન પાર્ક છે જે લગભગ 458 ચોરસ કિલોમીટરમાં ફેલાયેલો છે. અહીં મોટી સંખ્યામાં પ્રવાસી પક્ષીઓ પહોંચે છે. સવારે અને સાંજે આ જગ્યા એકદમ રોમેન્ટિક લાગે છે.
કચ્છના અખાત પર આવેલું આ ખીજડિયા પક્ષી અભયારણ્ય તેના તાજા અને ખારા પાણી માટે જાણીતું છે. આ તાજા પાણીનું તળાવ છે જ્યાં દર વર્ષે હજારો પ્રવાસી પક્ષીઓ સંવર્ધન માટે આવે છે. જો તમે પક્ષી પ્રેમી છો તો આ સ્થળની અવશ્ય મુલાકાત લો.
પ્રતાપ વિલાસ પેલેસ જામ રણજીત સિંહ દ્વારા 1907 અને 1915 ની વચ્ચે બનાવવામાં આવ્યો હતો, જે આજે રેલ્વે સ્ટેશનથી લગભગ 2 કિલોમીટરના અંતરે હાજર છે. આ મહેલનું સ્થાપત્ય પ્રવાસીઓને આકર્ષે છે. તમે આ મહેલને સવારે 11 થી સાંજના 5 વાગ્યા સુધી જોઈ શકો છો.જો તમે જામનગર જવાનું વિચારી રહ્યા છો, તો તમે પ્લેન, ટ્રેન અથવા રોડ દ્વારા અહીં સરળતાથી પહોંચી શકો છો. અહીં એવી ઘણી જગ્યાઓ છે જ્યાં તમે તમારા પરિવાર, મિત્રો અથવા પાર્ટનર સાથે સારો સમય વિતાવી શકો છો.
